Garobel mendi-lerrora egindako irteera Santiago mendiko parkingetik abiatu zen. Lehen zatia behe-lainoak markatu zuen: mendietako tontor-lerro osoan zehar hedatzen zen, uztailaren 10eko ipar-haizearen ondorioz. Jakina, zerbaitegatik daude hor pagoak... Jarraitu ala ez zalantzan geunden, baina azkenean zera erabaki genuen: han bageunden ibilaldia egiteko eta eskaintzen zitzaigunaz gozatzeko zen. Tontorretik ibiltzen jarraitu genuen, beraz. Naturazaleak lainopean eguzki-eguerdira arte (arratsaldeko ordubiak) ibili ginen: orduantxe, eguzkiaren mirariari eta tenperatura-igoerari esker, lainoa ehundaka metro altxatu zen. Horrela, paisaia miretsi ahal izan genuen eta zerrendan hegaztiak apuntatzen hasi: arrano sugezalea, arrano txikia, sai zuria, belatza, harkaitz-zozo gorria, belatxinga mokohori eta mokogorria... Arratsaldearen gainerako zatia Pico del Fraile ondotik jaistean eman genuen, Tertangara iritsi arte. Han geneukan kotxe bat gure zain.


Testua: Nacho Gª. Plazaola
Argazkia: Carmen Cabrero